wweehnhn wweehnhn
关注数: 10 粉丝数: 252 发帖数: 8,869 关注贴吧数: 31
「牛佬的話」 好,「呼」一聲又到禮拜四勒── ■先講講今期封面,原本……今期封面係重量級嘉賓戇男泡製嘅!只係,我哋臨時抽起,即時由邱志加趕工泡製另一個!點解?敝刊緊貼時事嘛!至於戇男兄嗰個靚靚封面,就順延下一期推出!大家留意啦! ⋯⋯ ■近日,城中發生唔少匪夷所思嘅事!正如剛剛嘅星期日,成班白衣人集結喺元朗西鐵,以藤條與及膠棍打人!而警方……好似唔理咁!究竟──點解會咁架呢?牛佬諗唔通呢D咁「烏煙瘴氣」嘅嘢!只係直覺,其時畫面相當兀突、震撼。所以就攞咗某一個角度出嚟,加工泡製成為敝刊今期嘅封面,以記錄香港發生過一D咁荒謬嘅嘢! ■好,講吓今期故事──都係一個「打」字!不過喺「打」之餘,都加番少少花臣落去!期望大家感覺熱鬧……!至於陳浩南跟方盛滿嘅勝負,下期必然揭盅!戰果,未必係大家想像得到嘅! ■嗯……呢場「大戰」打足一段日子,係時候要「收」勒!「收」之前,加多幾錢肉緊,期望做好個「尾」先! 講到呢度為止,我哋── 下星期一再見! ■呢一張彩圖,我覺得──大家應該擁有!因為,佢會令我哋無法忘懷,香港曾經發生過一D咁荒謬嘅事!嗱……如果真係想擁有嘅話,就買多幾本今期嘅《古惑仔》,放上FB咯喎!牛佬會諗計,將呢幅A3彩圖送畀你哋!
首页 1 2 3 4 下一页