奶茶猫🎀 369cp
关注数: 16 粉丝数: 524 发帖数: 51,833 关注贴吧数: 1
【李施嬅要力压佘诗曼拿今年视后?开什么玩笑?】 與阿佘高手交鋒︱李施嬅爭視后平常心:TVB冇欠我嘢! 藝人李施嬅在熱播劇《新聞女王》中飾演的主播「張家妍」不畏強權據理力爭,與「Man姐」佘詩曼(阿佘)鬥氣又鬥戲,絕對是觀眾最期待的畫面,兩位好戲之人更被睇好能衝擊視后獎座!對此,已是「雙影后」的施嬅否認志不在此,直言阿佘攞視后是實至名歸,自己則不夠膽去想,就算沒有,亦不認為是TVB欠她一個視后。 施嬅和阿佘在劇中鬥個你死我活,兩人「戲」場大開,看得觀眾拍案叫絕,甚至睇好兩人能衝擊視后。對此,施嬅直言已很多年沒有想過:「上次《金宵大廈》又係,呢啲唔到我控制就唔會去諗,唔好畀自己咁大壓力,我覺得阿佘攞視后絕對係實至名歸,佢有資格有能力,所有嘢都係合理嘅,如果我攞到梗係開心啦,但我唔夠膽去諗呢樣嘢,同埋我又覺得攞唔攞TVB個視后,唔係決定我嘅人生開唔開心,呢樣嘢當然係一件開心事,但得唔到亦唔會令到我嘅人生改變任何嘢,或者會令到我失落。」 於2017年憑微電影《Once More》奪得國際性European Cinematography Awards和Los Angeles Film Awards「最佳女演員」的施嬅,成為雙影后,是否志不在TVB的視后?她說:「唔可以話志不在此嘅,始終呢個係我長大嘅地方,佢哋畀啲乜嘢我,我都覺得好有意義,但如果要執着呢樣去代表我嘅開心,我亦唔會擺到咁重要,如果係咁嘅話,我就真係好難開心,咁多年都冇實好灰。其實每年都會有啲好叻嘅人,好似《金宵大廈》嘅角色挑戰惠英紅同楊千嬅兩個影后,係咪輸咗會唔開心呢?又唔係喎,每個人攞都係實至名歸嘅,難得每次都畀啲咁勁嘅對手我,我覺得仲刺激仲開心。」
【大家觉得大刘说的爱回家最硬胶女艺人是谁?】 劉鑾雄(大劉)今(10日)下午突然宣布開記者會,親身解答坊間傳出「身家留畀兒子」的謠傳。每次大劉開記招,都必會大爆金句,而今次亦都唔例外!大劉是TVB「忠粉」大家一早已經知,記招中常引用TVB節目做例子,今次除了自己提到《東張西望》的個案外,有記者專程問他「最近仲有無睇《愛回家之開心速遞》」,豈料他的一句回應即令人爆笑,隨即掀起網民熱議,全城競猜大劉口中所指的「硬膠女藝人」到底是誰,網民更選出6大女角色符合大劉的形容。 大劉今(10日)開記者招待會時,有記者刻意在場問大劉「最近有無睇《愛回家》」時,大劉即表示「笑喺上嚟硬膠,塊面都唔識郁,女嚟㗎,人都係為咗搵食」。 1.古佩玲 古佩玲在《愛回家之開心速遞》中,飾演神婆「申瑞素」,與風少時有CP畫面出現。而她曾被網民發現「突然嗰樣唔同咗」,更被指撞樣Ali。古佩玲曾被指「去完韓國連個樣都唔同」,她本人受訪時承認自己的照片確實有P圖,笑言「唔信有女仔po相前會唔執相」。自己本身面珠有少少baby fat,而她就最介意自己呢個位唔完美,對於會否抗拒微整形,古佩玲就話一點也不會抗拒,仲好想微整,可惜《愛回家》日日都要開廠,即使打針都要恢復期,所以一直未能成事,一直只靠化妝技術急救。 2.葉倩文 葉倩文在《愛回家》中飾演迷戀朱Ling的Candy一角,眼大大的她在劇集中的出鏡率非常高,而她飽滿的蘋果肌亦令網民質疑曾動手腳。 3.樊亦敏 樊亦敏在《愛回家》中飾演三太,而其中一集主題為「硬膠真係有樣睇」,劇情講到樊亦敏到美容中心「打針」變年輕,整完後「硬膠到皮笑肉不笑」,被指「意有所指」。 4.湯盈盈 湯盈盈在劇中與豹哥為一對,常以「Baby」作稱呼。而她本人以前亦曾被傳過「變樣」傳聞,不少人發現她上了年紀但竟一條皺紋都沒有,蘋果肌豐滿,相信一定有做手機,且笑容也不自然。 5.莊思明 莊思明2023年加入《愛回家》,飾演國際名模「張愛盈」這個新角色,她在劇中的表情亦曾被指「生硬」,笑時只有嘴角向上揚。 6.劉思希 不過講到「硬膠」,有一女演員雖然目前已不曾出現在《愛回家》,但她以往在劇中亦老是常出現,她就是劉思希。劉思希在《愛回家》中飾演楊洋一角,劇中她是俊華(羅鴻飾演)後期之女友,二人有很大年齡差,但非常恩愛。後來因為被熊若水(呂慧儀飾演)勸說,主動向俊華分手。而她「變樣」的程度更相當明顯,面部表情亦曾被指是「最硬膠」之一。
【TVB有做错吗?李国麟有说错吗?】 矚目配角|李國麟被TVB要求簽「一年一騷」:咁我唔簽囉 四年前,《矚目配角》訪問過李國麟,當時他對TVB藝員制度、 劇集製作有不少看法,特別對甘草、綠葉演員行一年一騷政策,非常不滿,更說過:「一簽TVB就要去借貴利」表示很多演員根本生活不到⋯⋯ 四年後今日,他亦面對一年一騷,他的選擇是不簽,他說:「你問我愛唔愛TVB?好愛,想唔想喺TVB做?好想,但我唔會做義工。」 不過他明白TVB這個政策,他覺得要以宏觀角度,站在TVB立場看這個政策,而演員本身亦要明白自身價值的問題。李國麟以宏觀角度看一年一騷政策。 李國麟表示四年前,他以一個演員視點看「 一年一騷」政策,現在他以宏觀角度,從TVB角度出發,不是因為他變了「親生仔」,有任何利益輸送,而是他覺得演員要明白自己的價值,他說:「藝人的生存能力要自備,你冇嘅,咁佢將你擺埋一邊,你有嘅,佢想擺低你都唔得,咁你話點解一年一騷,其實我覺得TVB有個信息畀你,你可有可無,如果你唔喺到,對公司無影響,你喺到,唔好對公司有太大影響。」 李國麟明白亦要面對TVB這個一年一騷政策,但他選擇離開不過是和平分手,他說:「我今日都要面對,公司話『一年一部,不過公司會畀返一個騷你嘅』,即係我得一個騷?咁我唔簽囉,大家合作到此為止,你問我愛唔愛TVB?好愛,想唔想喺TVB做?好想,但我唔會做義工,我亦唔會喺到待業⋯⋯你要我可有可無?我覺得無意思。」
【今年视后大战,大家看好谁呀?】 26屆視后走剩7個!佘詩曼回巢火拚胡定欣 爭做首個3屆視后 TVB年度盛事《萬千星輝頒獎典禮》向來都備受矚目,尤其係「最佳女主角」嘅獎項競爭最激烈,視后寶座認真唔易坐呀!而回顧番歷屆「視后」,有人25歲就成為最年輕得主,有人直到59歲先終於坐上視后寶座;亦有人頂着視后光環進軍內地,事業做得有聲有色,不過都有人繼續留守香港,作為事業基地繼續發展。 雖然,每年視后寶座競爭都相當激烈,不過流失率亦同樣相當高,喺歷屆視后中目前剩係得番佘詩曼、胡定欣、蔡思貝、林夏薇、江美儀、李佳芯及汪明荃,仍然留喺TVB,其中佘詩曼今年更以重頭劇《新聞女王》強勢回歸,隨時有望再奪視后。 至於原本盛傳拍《巾國》系列第4輯嘅鄧萃雯,最終亦唔成事,並喺2012年離巢後主力內地發展至今,《巾幗4》則改由同樣係「冧莊視后」胡定欣頂上,事實上胡定欣今年主演嘅《破毒強人》都大獲好評,相信係佘詩曼嘅最大勁敵之一,齊齊力爭做3屆視后! 除咗佘詩曼同胡定欣爭頭崩搶視后寶座外,今年仲有蔡思貝《你好,我的大夫》及林夏薇《寵愛PET PET》有望再爭做視后,雖然上屆視后江美儀今年都有出演《隱形戰隊》,不過以戲份嚟計應該就係爭女配角,而同劇嘅女主角唐詩詠,則因為離巢嘅關係,相信獲獎機會不大;至於憑《BB來了》成功勇奪視后嘅李佳芯,雖然目前仍有約在身,不過就屢傳被雪之餘,就連今年都未見有劇開拍,故能否再爭視后都係未知之數。
首页 1 2 3 4 5 下一页